វិធីសាស្ត្រក្នុងការផ្ទេរប្រាក់

12 Jul 2023

ការដាក់ប្រាក់

កូម៉ូ ធី ផ្តល់ជូននូវភាពងាយស្រួល សុវត្ថិភាព និងងាយស្រួលដល់អតិថិជន ក្នុងការដាក់ប្រាក់ចូលទៅក្នុងគណនីជួញដូររបស់ខ្លួន។ មូលធនរបស់អតិថិជន ត្រូវបានបែងចែកយ៉ាងច្បាស់លាស់ ដាច់ពីគណនីប្រតិបត្តិការរបស់ កូម៉ូ ធី ជានិច្ច។ កូម៉ូ ធី រក្សាគោលការណ៍យ៉ាងតឹងរឹង និងម៉ឺងម៉ាត់បំផុត ដើម្បីការពារមូលធនរបស់អតិថិជន ដែលបានដាក់តម្កល់នៅ កូម៉ូ ធី។

ជម្រើសទី ១៖ ការដាក់តម្កល់ប្រាក់នៅធនាគារ ដែលជាភ្នាក់ងារទូទាត់សាច់ប្រាក់ពាក់ព័ន្ធនឹងមូលបត្រ

• ជំហានទី ១៖ ទៅកាន់ធនាគារដែលជាភ្នាក់ងារទូទាត់សាច់ប្រាក់ពាក់ព័ន្ធនឹងមូលបត្រ ដែលសហការជាមួយ កូម៉ូ ធី ហើយត្រូវបានទទួលស្គាល់ដោយគណៈកម្មការមូលបត្រ ដែលនៅក្បែរអ្នក
• ជំហានទី ២៖ ដាក់តម្កល់សាច់ប្រាក់ទៅក្នុងគណនីសាច់ប្រាក់អតិថិជន ក្រោមឈ្មោះក្រុមហ៊ុន កូម៉ូ ធី ឯ.ក ដោយផ្តល់នូវព័ត៌មានដូចខាងក្រោម៖
  • ឈ្មោះអតិថិជន
  • លេខគណនីជួញដូរអតិថិជន
  • ចំនួនប្រាក់ដាក់តម្កល់
  • គោលបំណងនៃការដាក់ប្រាក់
• ជំហានទី ៣៖ បន្ទាប់ពីដាក់តម្កល់សាច់ប្រាក់រួចរាល់ សូមធ្វើការបញ្ជូនឯកសារយោង (វិក័យបត្រ) ភ្ជាប់ជាមួយនឹងឈ្មោះអតិថិជន និងលេខគណនីជួញដូរអតិថិជន មកកាន់ កូម៉ូ ធី ដើម្បីធ្វើការត្រួតពិនិត្យ តាមរយៈសារអេឡិចត្រូនិក [email protected]
• ជំហានទី ៤៖ នៅពេលដែលសាច់ប្រាក់ត្រូវបានដាក់តម្កល់ដោយជោគជ័យ កូម៉ូ ធី នឹងធ្វើការជូនដំណឹងដល់អតិថិជន តាមរយៈសារអេឡិចត្រូនិក ឬតាមទូរសព្ទ អាស្រ័យលើការណែនាំ ហើយអតិថិជនអាចធ្វើការជួញដូរដោយសេរី!

ជម្រើសទី ២៖ ការផ្ទេរប្រាក់តាមធនាគារ ឬការដាក់តម្កល់នៅកូម៉ូ ធី

• ជំហានទី ១៖ ធ្វើការផ្ទេរប្រាក់ពីគណនីធនាគារផ្ទាល់ខ្លួនរបស់អតិថិជន មកកាន់គណនីធនាគាររបស់កូម៉ូ ធី ឬធ្វើការដាក់ប្រាក់ដោយផ្ទាល់នៅក្រុមហ៊ុន កូម៉ូ ធី ដោយផ្តល់នូវព័ត៌មានដូចខាងក្រោម៖
  • ឈ្មោះអតិថិជន
  • លេខគណនីជួញដូរអតិថិជន
  • ចំនួនប្រាក់ដាក់តម្កល់
  • គោលបំណងនៃការដាក់ប្រាក់
• ជំហានទី ២៖ កូម៉ូ ធី នឹងធ្វើការដាក់តម្កល់សាច់ប្រាក់អតិថិជននោះទៅកាន់ គណនីសាច់ប្រាក់អតិថិជននៅធនាគារដែលជាភ្នាក់ងារទូទាត់សាច់ប្រាក់ពាក់ព័ន្ធនឹងមូលបត្រ ដែលសហការជាមួយ កូម៉ូ ធី ហើយត្រូវបានទទួលស្គាល់ដោយគណៈកម្មការមូលបត្រកម្ពុជា (គ.ម.ក.)
• ជំហានទី ៣៖ នៅពេលដែលសាច់ប្រាក់ត្រូវបានដាក់តម្កល់ដោយជោគជ័យ កូម៉ូ ធី នឹងធ្វើការជូនដំណឹងដល់អតិថិជន តាមរយៈសារអេឡិចត្រូនិក ឬតាមទូរសព្ទ អាស្រ័យលើការណែនាំ ហើយអតិថិជនអាចធ្វើការជួញដូរដោយសេរី!

កំណត់សម្គាល់ក្នុងការផ្ទេរប្រាក់៖

១. អតិថិជនត្រូវតែជា នៃការដាក់តម្កល់ប្រាក់នោះ។ ២. អតិថិជនត្រូវតែគោរពតាមបទប្បញ្ញត្តិ និងគោលការណ៍នៃការប្រឆាំងការសម្អាតប្រាក់ និងហិរញ្ញប្បទានភេរវកម្ម។ ៣. កូម៉ូ ធី នឹងអនុវត្តវិធានការណ៍ស្គាល់អតិថិជន ដោយអនុលោមតាមការកំណត់របស់គណៈកម្មការមូលបត្រកម្ពុជា (គ.ម.ក.)។

សូមកុំធ្វើការផ្ទេរប្រាក់ទៅកាន់គណនីធនាគារផ្សេង ដែលមិនបានអនុញ្ញាតិ និងទទួលស្គាល់ដោយក្រុមហ៊ុន កូម៉ូ ធី ឯ.ក។ ក្នុងករណីដែលអតិថិជនមានសំណួរ ឬបញ្ហាណាមួយ សូមធ្វើការទាក់ទងទៅកាន់ភ្នាក់ងារប្រឹក្សាយោបល់ផ្ទាល់ខ្លួនរបស់អ្នក ឬទាក់ទងមកកាន់ផ្នែកសេវាអតិថិជនរបស់យើងខ្ញុំតាមរយៈ [email protected] ឬ (+855)86 988 900

ការដកប្រាក់

ការដកប្រាក់តម្កល់ពីគណនីអតិថិជន គឺរហ័ស សាមញ្ញ និងងាយស្រួល។ អតិថិជនអាចធ្វើការចូលទៅកាន់ មជ្ឈមណ្ឌលសេវាកម្មអតិថិជន កូម៉ូ ធី ដើម្បីធ្វើការស្នើសុំដកប្រាក់។

• ជំហានទី ១៖ អតិថិជនផ្ញើពាក្យស្នើសុំទៅកាន់ កូម៉ូ ធី ជាមួយនឹងព័ត៌មានដូចខាងក្រោម៖
  • ឈ្មោះអតិថិជន
  • លេខគណនីជួញដូរអតិថិជន
  • ចំនួនប្រាក់ស្នើសុំដក
  • ព័ត៌មានគណនីផ្ទាល់ខ្លួន
• ជំហានទី ២៖ បន្ទាប់ពីទទួលបានពាក្យស្នើសុំ កូម៉ូ ធី នឹងធ្វើការត្រួតពិនិត្យ និងផ្ទៀងផ្ទាត់ ប្រសិនបើសមតុល្យនៅសល់ច្រើនជាងចំនួនដែលបានស្នើសុំដក ហើយអាចធ្វើការទូទាត់ជាមួយគ្រប់ប្រតិបត្តិការជួញដូរបើកទាំងអស់ កូម៉ូ ធី នឹងធ្វើដំណើរការសំណើរបស់អតិថិជននោះ បើពុំដូច្នេះទេ អតិថិជននឹងតម្រូវឱ្យធ្វើការកែតម្រូវចំនួនដែលបានស្នើសុំ ឬបិទប្រតិបត្តិការជួញដូរមួយចំនួន ដើម្បីដំណើរការការស្នើសុំនោះ។

• ជំហានទី ៣៖ បន្ទាប់ពីការអនុម័ត* ទឹកប្រាក់នឹងកាត់ចេញពីគណនីជួញដូររបស់អតិថិជន ហើយនីតិវិធីនៃការដកប្រាក់នឹងចាប់ផ្តើមជាមួយនឹងការជូនដំណឹងដល់អតិថិជន តាមរយៈសារអេឡិចត្រូនិក ឬតាមទូរសព្ទ អាស្រ័យលើការណែនាំ បើពុំដូច្នេះទេ អតិថិជននឹងទទួលបានការជូនដំណឹងអំពីភាពមិនជោគជ័យក្នុងការដកប្រាក់ និងហេតុផលនៃប្រតិបត្តិការនោះ។

  *កំណត់សម្គាល់៖   រាល់ការស្នើសុំដកប្រាក់ដែលទទួលបានមុនម៉ោង ១២:០០ថ្ងៃត្រង់ ការដំណើរការនីតិវិធី នឹងធ្វើឡើងក្នុងថ្ងៃតែមួយ។ បន្ទាប់ពីម៉ោង ១២:០០ថ្ងៃត្រង់ ការដំណើរការនីតិវិធីនឹងធ្វើឡើងនៅថ្ងៃធ្វើការបន្ទាប់។

សូមចំណាំ: អ្នកត្រូវតែបង្កើតនិងបើក គណនីជួញដូរពិត